МОЛИТВЫ ВО ВРЕМЯ ЭПИДЕМИИ
Священный Синод УПЦ призвал духовенство, монашество и мирян к усиленной молитве в течение коронавирусного карантина.
Прошения на сугубой ектении
Милостивно призри, Господи, на недуги и болезни людей Твоих, и умилосердися, мы бо в покаянии Тебе исповедающеся зовем, скоро услыши нас и помилуй.
Еще́ мо́лимся, о е́же прия́ти Бо́гу покая́ние нас, гре́шных рабо́в Свои́х, и очи́стити нас от грехо́в на́ших, и беззако́ния на́ша отъя́ти от нас; рце́м вси: Го́споди, услы́ши и ми́лостивно поми́луй.
Еще́ мо́лимся Тебе́, Го́споду Бо́гу на́шему, о е́же яви́ти нам ми́лости Своя́ вели́кия и уста́вити боле́зненное пове́трие сие́, неду́гующих же исцели́ти и здра́вие пода́ти; мо́лим Ти ся, услы́ши и поми́луй.
Прошение за медицинских работников
Призри Владыко Человеколюбче на жертвенный подвиг врачей наших, посли им здравие непоколебимое, силу и крепость духа, мудрость к совершению трудов во благо народа нашего и сотвори чрез них исцеление страждущим рабом Твоим, прилежно молим Ти ся скоро услыши и помилуй.
Молитва во время губительного поветрия и смертоносныя заразы
Бо́же Вели́кий и Вы́шний, Благоутро́бный и Человеколюби́вый Влады́ко, услы́ши нас недосто́йных рабо́в Твои́х, во мно́жестве ми́лости Твоея́ и низпосли́ нам по́мощь Твою́ во вре́мя наше́ствия боле́зни губи́тельныя на род челове́ческий, Твое́ю Кро́вию иску́пленный.
Ве́мы Го́споди, яко согреши́хом пред Лице́м Твои́м и грехо́м на́шим несть числа́. Но умилосе́рдися и отврати́ от нас гнев Твой пра́ведный на ны дви́жимый. Не прогне́вайся на ны зело́, Ты бо рекл еси́, яко ра́дость быва́ет на небеси́ о еди́ном гре́шнице ка́ющемся. Приими́ ны́не и на́ше покая́ние, сле́зы и смире́нныя моли́твы возноси́мыя из глубины́ серде́ц на́ших пред святы́м олтаре́м Твои́м.
О́тче щедро́т, Бо́же вся́кого утеше́ния, укрепи́ ны моли́твами Преблагослове́нныя Влады́чицы на́шея Богоро́дицы, си́лою Честна́го и Животворя́щего Креста́, свята́го великому́ченика и цели́теля Пантелеи́мона, святителя Луки, исповедника Кры́мскаго, святы́х враче́й и цели́телей на́ших: Ага́пита, Дамиа́на, Ипа́тия Пече́рских и Все́х святы́х земли́ на́шея и прекрати́ боле́зненное пове́трие и отжени́ от нас вся́кую боле́знь и не́мощь, да изба́вльшеся от вся́кия напа́сти Руко́ю Твое́ю кре́пкою, порабо́таем Ти со вся́ким благодаре́нием. Да я́ко и ны́не причаща́ющеся Твоего́ неизглаго́ланнаго Человеколю́бия, пое́м и сла́вим Тя, Творя́щаго вели́кая и чу́дная, сла́вная же и изря́дная.
Я́ко Ты еси́ Исто́чник исцеле́ний, Бо́же наш, и Тебе́ сла́ву возсыла́ем, Отцу́ и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.
Святейший Патриарх Кирилл утвердил молитвенные прошения в связи с угрозой коронавирусной инфекции.
Прошения на сугубой ектении Божественной литургии, возносимая во время распространения вредоносного поветрия
Еще молимся Тебе, Господу Богу нашему, о еже милостивно пощадити нас от губительнаго поветрия на ны движимаго и избавити верныя люди Твоя от смерти душевныя и телесныя, недугующим исцеление и здравие подати, нам же всем Твое божественное ограждение и заступление, молим Тя, милосерде Господи, скоро услыши и милостивно помилуй.
Еще молимся, о еже умирити смятение человек и страхования всяческая, упованием твердым оградити верных Своих, мир же и тишину вселити в сердца наша, молим Ти ся, Господи, услыши и помилуй.
Молитва во время распространения вредоносного поветрия чтомая
Го́споди Бо́же наш, не вни́ди в суд с рабы́ Твои́ми, и огради́ нас от губи́тельнаго пове́трия на ны дви́жимаго. Пощади́ нас смире́нных и недосто́йных рабо́в Твои́х в покая́нии с те́плою ве́рою и сокруше́нием серде́чным к Тебе́ милосе́рдному и благопремени́тельному Бо́гу на́шему припа́дающих и на ми́лость Твою́ упова́ющих.
Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.
Молитва во время эпидемии
Влады́ко, Го́споди Бо́же наш, при́зри ми́лостивно с высоты́ святы́я сла́вы Твоея́ на моли́тву нас, гре́шных и недосто́йных рабо́в Твои́х, бесчи́сленными греха́ми и беззако́ниями на́шими Твою́ бла́гость прогне́вавших, и милосе́рдие Твое́ удали́вших.
Не вни́ди в суд с раба́ми Твои́ми, но отврати́ стра́шный гнев Твой, пра́ведно на нас дви́жимый, укроти́ губи́тельное наказа́ние, удали́ стра́шный меч Твой, неви́димо нас поража́ющий. Пощади́ нас, гре́шных и недосто́йных рабо́в Твои́х, и не обрека́й на смерть ду́ши на́ша, и́бо мы зна́ем своя́ прегреше́ния и с сокруше́нным се́рдцем, и со слеза́ми к Тебе́, Милосе́рдному Бо́гу на́шему в покая́нии припа́даем и проще́ние согреше́ниям на́шим пода́ти про́сим.
Влады́ко, Вседержи́телю, Врачу́ душ и теле́с на́ших, смиря́яй и вознося́й, наказу́яй и па́ки исцеля́яй, простри́ мы́шцу Твою́ испо́лнену ми́лости и милосе́рдия, и исцели́ боля́щих, запрети́ дух́у не́мощи, отжени́ вся́кую боле́знь на нас дви́жимую, прости́ нам вся́кое согреше́ние, во́льное же и нево́льное, и спаси́ ду́ши на́ша, я́ко Благ и Человеколю́бец. Ами́нь.
Из циркулярного письма митрополита Минского и Заславского Павла
Молитва ко Господу во время морового поветрия (эпидемии)
Го́споди Бо́же на́ш! Услы́ши с высоты́ свята́го Твоего́ Престо́ла на́с, гре́шных и недосто́йных рабо́в Твои́х, бла́гость Твою́ греха́ми свои́ми прогне́вавших и милосе́рдие Твое́ удали́вших, и не взыску́й с рабо́в Твои́х, но отврати́ стра́шный гне́в Тво́й, справедли́во на́с пости́гший, прекрати́ па́губное наказа́ние, удали́ стра́шный ме́ч Тво́й, неви́димо и безвре́менно на́с поража́ющий, и пощади́ несча́стных и сла́бых рабо́в Твои́х, и не обрека́й на сме́рть души́ на́ши, в покая́нии прибега́ющих с истомле́нным се́рдцем и со слеза́ми к Тебе́, Бо́гу Милосе́рдому, мольба́м внима́ющему и переме́ну подаю́щему. И́бо Тебе́ принадлежи́т ми́лость и спасе́ние, Бо́же на́ш, и Тебе́ славосло́вие прино́сим, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.
Молитва о врачах
Создателю и Господи! Великий Врачу! Ты врачевал людей и избавлял их от смерти. Благослови же врачей, всех, кто борется за спасение жизни и здоровье людей! Дай им мудрость Твою, силу и благоразумие! Сохрани их от ошибок, дай им внимательность и упование на помощь Твою! Благослови их благородный труд! Господи, дай им почувствовать нужду в Твоем духовном врачевании их недугов, «ибо не здоровые имеют нужду во враче, но больные». Ты пришел призвать «не праведников, а грешников к покаянию». Научи их молиться Тебе перед тем, как начинать лечение своих пациентов! Помоги им понимать, что как бы не были успешны методы и средства врачевания, если Ты не благословишь, то все будет напрасно. Благослови же их старания по Твоей святой воле! Да прославят и они, и те, кому было даровано исцеление, Тебя — Отца, и Сына, и Духа Святого! Аминь.
Молитва «по соглашению» во время пандемии коронавируса
Помилуй нас Боже, живущих в земле украинстей и всех странах ближних и далече. Защити от нынешнего пагубнаго поветрия, останови распостранение смертоносныя сея язвы в мире всем, даруй исцеление заболевшим.
Отверзи нам ум, Господи, для осознания грехов своих и понимания сего происходящего за злодеяния и нечестие сердец наших. Удержи нас от ропота и гнева, осуждения и уныния. Помози нам, Господи, быти благодарными Тебе, и всегда памятовать милость Твою о каждом человеце. Даруй нам, Боже, терпение, смирение, покаяние, и надежду на скорое прекращение сего злого поветрия, веру твердую, что во всем есть Святая Воля Твоя.
Но обаче, не якоже мы хотим, но якоже Ты. Да будет во веки Воля Твоя. Аминь.
Обращение Священного Синода УПЦ в связи с распространением коронавируса COVID-19
Эта запись также доступна на: Украинский
